ثلاث خطوات لعلاج تساقط الشعر

#الخطوه_الاولى >>> تساقط الشعر بعد الولاده طبيعي من شهر الى ٦شهور و راح يرد طبيعي باذن الله ... تساقط الشعر بعد العمليات و بعد الحمى الطويله و غيره ايضا طبيعي ... اذا مسوين تكميم او رجيم يمكن يتساقط الشعر > كثروا من البروتينات و احرصوا ان الريجيم يكون متكامل ... اذا تاخذون حبوب الركوتان او حبوب منع الحمل او ادويه حق كمال الاجسام و عندكم تساقط وقفوا الادويه و شوفوا ... تسريحه ذيل الحصان و شد الشعر يودي الى تساقطها 

.

.

#الخطوه_الثانيه >>>> تحاليل الدم  ...  تحليل مخزون الحديد او الفريتين ... نبيه فوق السبعين > اذا كان الفريتين اقل ناخذ حبوب الحديد ...  تحليل الزنك > ناخذ حبوب الزنك فقط اذا الزنك منخفض لان كثره الزنك تؤدي الى تساقط الشعر ... تحليل فيتامين د و تصحيحه ...  تحليل الهرمونات > اذا الدوره الشهريه غير منتظمه او عندكم شعر زايد و حبوب في الويه لازم تسوون تحليل هورمونات > يمكن عندكم تكيس في المبايض ... تحليل الغده الدرقيه > خمول الغده الدرقيه و ايضا فرط نشاطها يسبب تساقط الشعر   

.

.

#الخطوه_الثالثه>>> اذا تساقط الشعر من النوع الوراثي او الذكوري >>> في الرجال نستعمل مينوكسيديل ٥٪ مرتين يوميا او حبه بروبيشيا مره يوميا >>> و في النساء نستعمل مينوكسيديل ٢٪  مرتين يوميا >>> و طبعا عندنا الخيار الجراحي اللي هو زراعه الشعر

#فيتامينات_الشعر و المكملات الغذائيه >>> مثل ما قلنا اذا التحاليل بينت نقص ماده معينه لازم تاخذون الماده هذي لكن اخذ كوكتيل من الفيتامينات بشكل عشوائي ماله تاثير وايد

.

.

#الشامبوهات و الامبولات >>> اثرهم ضئيل ... علميا ما عندنا شامبو حق تساقط الشعر >>> الشي الوحيد هو المينوكسيديل

.

.

#الميزوثيرابي >>> غير فعال

.

.

#ابر_البلاسما او PRP >>> فعال و له دور في علاج التساقط

.

.

منشن شخص يشتكي من تساقط الشعر

.

.

ملاحظه هامه >>> استشاره طبيب الجلديه واجبه قبل البدأ باي من العلاجات هذي 

.

.

و سلامتكم

.

.

@dr_zada

@dr_zada

@dr_zada