الكريم المعجزه !

تره مو كل يوم عندنا كريمات معجزه !!! و هذا واحد منهم 🎆 اسمه الرتن أي و هو الكريم الوحيييد المعتمد للتجاعيد من هيئه الغذاء و الدواء الامريكيه و على فكره الهيئه هذي شروطها جددددا صعبه و قاسيه لاعتماد المستحضرات و عشان چذي هذا الكريم الوحيد المعتمد من اصل مئات الكريمات المشابهه في الاسواق

.

#ينفع_حق_منو؟ ينفع حق كل الناس!! بس اكثر شي ينفع حق التجاعيد الخفيفه، يعني اذا وحده في العشرينات او الثلاثينات يكون انسب عمر ... و اذا وحده ما فيها تجاعيد ضروري تستخدمه كوقايه قبل لا يطلع لها، لان دايما الوقايه اسهل من العلاج و الدوا هذا متوفر و ما يكلف شي ... و اذا و حده عندها تجاعيد عميقه تعالجها بالبوتكس او الفيلرز او الليزر و تكمل بالرتن

.

#متى_نشوف_النتائج؟ بعد سته اشهر راح تشوفون تحسن و بعد سنه تلاحظون افضل النتائج يعني لا تملون 😀 اصبروا و ثابروا

.

#الى_متى_نستخدم_الرتن؟ على طووول ... يعني ما نوقفه لان شيخوخه الجلد مستمره ما توقف 😏

.

.#شنو_مضاعفاته؟ ما في مضاعفات بس مرات يهيج و يحمر و يقشر و عشان چذي لازم نعرف شلون نستخدمه صح 👇.

.

#طريقه_الاستعمال

1⃣ غسلو وجهكم و انطروا ٢٠-٣٠ دقيقه عشان ينشف عدل

2⃣ حطوا كميه قليييله يعني نص حبه بازيلا تكفي الوجه كله

3⃣ حطوه بالليل ... ممنوع تحطونه بالنهار و تتعرضون للشمس

4⃣ في البدايه لا تحطونه كل يوم، حطوه مره او مرتين بالاسبوع و بعدين يوم و ترك و بعد فتره اذا كل شي اوكي تستخدمونه كل يوم

5⃣ اذا بشرتكم حساسه بعد ساعه ممكن تحطون مرطب مثل كريم البيپانتين من صيدليات الصحه او كريم الستافيل ... او ممكن تغسلون وجهكم بعد ساعه و خلاص 👌

..

#مهم_جدا ⛔️⛔️⛔️ الرتين أي ممنوووع حق الحامل

.

#وين_نحصله ؟!!  موجود في كل صيدليات وزاره الصحه بالمجان و يسمى أكرتين و هو نفس الرتين أي 

.

#دكتور_ما_اقدر_احط_الرتين_خير_شر_في_حل_ثاني؟ اذا بعد كل الاحتياطات اللي ذكرتها همن ما تقدرون تحطون الرتن ما عندكم الا الكريمات اللي تحتوي على ماده الرتينول اللي هي شبيهه بالرتن لكنها اكثر امانا من ناحيه التهيج بس اقل فاعليه طبعا 😏 عندكم Retinol correxion من Roc و Liftactiv retinol من Vichy

.

#في_شي_بعد؟ 👀 نعم الحمايه ... لا تنسون حمايه من الشمس بالنهار لان بشرتكم راح تصير حساسه و اذا تعرضتوا لاشعه الشمس راح تسمر يعني ما سوينا شي  😄 و  يمكن تحتاجون مرطب عشان يهدي البشره و يلطفها و يغذيها .... انا انصح بكريم الستافيل Cetaphil او البپانتين Bepanthen

.

👍👍👍 رتن + حمايه + مرطب = شباب دائم  👍👍👍 سهله و ما تكلف شي

.

#لا_تنسون_المنشن

.

@dr_zada

@dr_zada

@dr_zada