#انتفاخ_تحت_العين خصوصا لما تقومون من النوم في الغالب هو نتيجه احتباس الماي
و هذا بسبب ارتفاع نسبه الملح في الانسجه اللي تحت العين
عشان جذي اول شي كثروا من شرب الماي
و قللوا من الملح
و ارفعوا المخده اثناء النوم
#كمادات_اكياس_الشاي من العلاجات المفيده
الشاي يحتوي على الكافئين اللي يقبض العروق
و التانين اللي يكافح الالتهاب
و البروده تقلل من تدفق الدم
>>> و بالتالي يقل الانتفاخ
#الطريقه
حضروا الشاي كالعاده
حطو اكياس الشاي في الثلاجه لمده عشرين دقيقه
اعصروه بحيث انه يكون رطب بس لا ينقع شاي
حطو اكياس الشاي على العيون لمده عشر دقايق الى نص ساعه
شيلو اكياس الشاي و غسلو الويه بماي بارد
سووه على الاقل مره بالاسبوع
#استشيروا طبيبكم اذا الانتفاخ مستمر عشان يفحصكم و يسوي فحوصات
@dr_zada
@dr_zada
@dr_zada
No comments:
Post a Comment