الخيار عجيييب للهالات السوداء!

الخيار هو العلاج رقم واحد من سلسله #العلاجات_المنزليه_للهالات_السوداء

#الحقيقه_العلميه_الاولى هي ان الخيار يحتوي على العديد من مضادات الاكسده مثل الكوكوربيتاسين، ڤيتكسين، اورينتين الخ و اللي تقلل الالتهاب و تخفف الهالات السودا و الانتفاخ حول العين

#الحقيقه_العلميه_الثانيه هي ان الخيار يحتوي على فيتامين ك .... في دراسه منشوره في "مجله الادويه و الجلد" "Journal of Drugs in Dermatology " في سنه ٢٠٠٩ بينت ان الفيتامين ك الموجود في الخيار يقلل من الهالات السودا ... و على هالاساس نستعمل الكريمات اللي تحتوي على فيتامين ك لعلاج الهالات

#الحقيقه_العلميه_الثالثه هي ان الخيار قابض و ايضا عنده خاصيه تفتيح البشره و بالتالي مفيد

#الحقيقه_العلميه_الرابعه هي ان التبريد يقلل الانتفاخ و الهالات مثل ما راح نشوف

#طريقه_الاستعمال

#الطريقه_الاولى: نقطع الخيار شرائح و نحطه ٣٠ دقيقه بالثلاجه او ٢-٣ دقايق في الفريزر  ... نطلعه و نحطه على العيون لمده ١٠ دقايق و بعدين نغسله بماي فاتر 

#الطريقه_الثانيه: نخلط عصير خيار و عصير ليمون بنسبه متساويه و نغمس قطنتين فيها و نحط القطنه على الهالات السودا و نتركها ١٥ دقيقه و نغسله بالماي ... نستعمله يوميا لمده اسبوع

#الطريقه_الثالثه: نفس الطريقه الثانيه بس نستعمل عصير الخيار بروحه و ينفع حق اللي بشرتهم حساسه وايد ... يعني نحط عصير الخيار في وعاء و نغمس فيها قطنتين و نحطهم على الجلد ١٥ دقيقه و نغسله بالماي و نستعمله يوميا على الاقل لمده اسبوع

العلاجات هذي تريح العيون و تخفف الانتفاخ و الهالات السودا

و سلامتكم

@dr_zada

@dr_zada

@dr_zada