ماسك الروب

#ليش_الروب؟ لانه 1⃣ رخيص و متوفر بكل بيت 2⃣ سهل الاستعمال و ١٠٠٪ طبيعي 3⃣ له اساس علمي و اثبت فعاليته 4⃣ لطيف على البشره و بالتالي مناسب لجميع انواع البشره حتى الحساسه حيل 5⃣ قوامه الكثيف و الكريمي يخليه مثالي لعمل الماسك او القناع 

#الحقيقه_العلميه_الاولى: الروب يحتوي على حمض اللاكتيك و الحمض هذا من احماض الفواكه اللي نستخدمها للتقشير الكيميائي .. هذا بالاضافه الى الزنك و فيتامين B الموجود في الروب و المفيد للبشره 

#الحقيقه_العلميه_الثانيه: نسبه حمض اللاكتيك في الروب ١ ٪ و في الروب الحامض اكثر شويه ... احماض الفواكه في كريمات التقشير ١٠٪ و التقشير في العيادات قد تصل الى ٧٠٪ يعني الروب اخف لكن له مزاياه 

#ينفع_حق_شنو؟ 1⃣ المسامات الواسعه 2⃣ نضاره للبشره 3⃣ الكلف و التصبغات الخفيفه 4⃣ حب الشباب و اثارها 5⃣ التجاعيد الخفيفه 

#كم_مره بالاسبوع؟ مرتين الى ثلاث مرات

#الطريقه_الاولى 1⃣ مهم جدا انكم تغسلون و جهكم بالماي 2⃣ حطوا طبقه من الروب على الوجه 3⃣ بعد ٢٠ دقيقه اغسلوه بالماي

#الطريقه_الثانيه نفس الطريقه الاولى بس تضيفون ملعقه صغيره من عصير الليمون الفرش الى الروب و تخلطونه عدل 

#الطريقه_الثالثه 1⃣ اغسلوا وجهكم بالماي 2⃣ اخلطوا كوب من الروب مع ملعقتين عسل و حطوه على الوجه  3⃣ بعد ٢٠-٣٠ دقيقه اغسلوه بالماي 

#الطريقه_الرابعه للبشره الجافه و هي نفس الطريقه الثالثه لكن تضيفون الى خلطه الروب و العسل ٢-٣ قطرات من زيت الزيتون او اللوز 

#الطريقه_الخامسه للبشره الدهنيه و هي نفس الطريقه الثالثه لكن تضيفون الى خلطه الروب و العسل ملعقه صغيره من عصير الليمون الفرش 

#اي_نوع_من_الروب؟ كامل الدسم افضل لكن قليل الدسم بعد ممتاز ... اي نوع من الروب زين مو شرط الروب اليوناني

#لافضل_النتائج ممكن تحطون الروب يوم او اكثر خارج الثلاجه عشان يصير حامض و تزيد نسبه حمض اللاكتيك

#الزبده >>>  ماسك الروب مفيد كتقشير خفيف و طبيعي ... لكن طبعا مفعوله اقل من التقشير الكيميائي في العيادات او مستحضرات التقشير الكيميائيه في الصيدليات >>> لكن ايضا له مزاياه 

@dr_zada

@dr_zada

@dr_zada