وداعا للمسامات الواسعه

من صجكم وداعا؟! 😉 اصلا المسامات هذي عباره عن منافذ للغدد الدهنيه في الجلد تفرز منها الدهون ...  في ناس مساماتها واسعه و بارزه و ناس لا >>> هذي شغله تتحكم فيها جيناتكم! ... لكن لا تحبطون و خلكم ويانا لاخر البوست >>> و ان شاء الله راح نعالجها او نخففها او عل الاقل نغطيها بطريقه صحيحه   

#تنظيف_المسام اول خطوه في الطريق الصحيح >>> غسلوا وجهكم يوميا بغسول يحتوي على حمض الساليسيليك مثل غسول    Neutrogena Acne Wash البرتقالي او الوردي >>> متوفر في الجمعيات ... هذا راح ينظف المسام >>> و المسام النظيف = مسام غير بارز 

#كريمات الرتين أي او الاكرتين ... يحسن المسامات و اثار الحبوب و التجاعيد و التصبغات و اشياء وايده و عشان چذي سميته #الكريم_المعجزه <<<  شوفوا البوست #الكريم_المعجزه ... و هو متوفر في صيدليات الصحه 

#كريم Sebium Pore Refiner من BIODERMA يساعد على تسكير المسام ... استعملوه مره او مرتين يوميا و الافضل استعماله بعد الغسول  .. سعره في الصيدليات ٥.٥ دينار كويتي ... حلو! و وايد من مرضاي استفادوا منه

 

#البرايمر primer مهم جدا جدا ... اذا تبون مكياج محترف يغطي المسام عدل >>> قبل لا تحطون كريم الاساس او الفاونديشن لازم تحطون البرايمر ... وظيفته انه يغطي المسامات المفتوحه  و يسهل توزيع كريم الاساس و يساعد على بقاء المكياج  فتره اطول ... نوع البرايمر مهم جدا ... حق المسامات الواسعه و البشره الدهنيه انصحكم بالبرايمر المطفي للمعه البشره Mattifying face primer مثل LORAC POREfection او اي نوع يناسبكم ... اسالوا عنها في المحلات ... و ممكن حتى تحطون البرايمر بروحه و بدون فاونديشن 

 

#المرطب نفس الشي >>> مو اي مرطب يصلح للبشره اللي مساماتها مفتوحه اللي عاده تكون دهنيه بعد >>> ضروري تدورون على النوع اللي ما يدهنها و ما يلمعها و دوروا على كلمه Mattifying مثل Murad Oil-control Mattifier او اي نوع ترتاحون عليه   

#التقشير الكيميائي سواء في البيت او في العياده يحسن المسام بالاضافه الى تحسين التجاعيد و التصبغات و الكلف ... للاستعمال المنزلي ممكن تستخدمون احماض الفواكه مثل Rexol متوفر بتركيزات مختلفه في الصيدليات

#الليزر مثل الفراكسل او الضوء المكثف IPL ممكن (و احط تحت ممكن خطين) ينفع بعض الناس (مو كل الناس) ... و هذي طبعا تعتبر اغلى طريقه ... و القرار راجع لكم 

  

#ترى هذي خبره سنين  ان شاء الله تستفيدون #و_لا_تنسون_المنشن 

و سلامتكم

@dr_zada

@dr_zada

@dr_zada