معتمد لاكزيما الاطفال

منو كان يفكر في يوم من الايام ان الكلوركس يكون علاج للاكزيما؟! 

#الحقيقه_العلميه هي ان البكتريا الموجوده على سطح الجلد تزيد الاكزيما و الكلور الموجود في الكلوركس يقتل البكتريا و يخفف الاكزيما و اعراضها مثل الحكه و الاحمرار و القشره

العلاج هذا مجرب و فعال و معتمد طبيا و ينفع للاطفال و الكبار لكن لازم يكون تحت اشراف طبيب جلديه و تستشيرون طبيبكم قبل لا تسوونه

#الطريقه 

1⃣ نوع الكلوركس >>> نستعمل الكلوركس العادي مو المركز

2⃣ الكميه >>> ربع الى نص كوب كلوركس حق بانيو كبير ممتلئ بالماء >>> اذا تستعملون طشت السباحه للاطفال تحطون ملعقه شاي حق كل ٥ لترات من الماي >>> و اخلطوه عدل >>> و چذي تركيز الكلور راح يكون منخفض جدا يعني تقريبا مثل حمام السباحه   

3⃣ اقعدوا في البانيو او قعدوا الطفل في البانيو او الطشت لمده ٥-١٠ دقائق >>> من الرقبه و تحت >>> لازم تراقبون الطفل طول المده عشان الماي لا يدش بفمه او انفه او عيونه

4⃣ غسلوه بالماي عدل

5⃣ نشفوه شوي و على طووول حطوا المرطب او العلاج اللي وصفه الطبيب

6⃣ سووه ٢-٣ مرات اسبوعيا

7⃣ منشنوا من يهمه الامر

و سلامتكم

@dr_zada

@dr_zada

@dr_zada