الكولاجين قمبلة الشباب و الجمال !

#شنو_الكولاجين؟ الكولاجين بروتين موجود في الجلد و هو مهم جدا لبشره صحيه و جميله و مشرقه و بدون تجاعيد

.

.

مع تقدم العمر يقل الكولاجين وهذا يؤدي الى شيخوخه الجلد و ظهور التجاعيد فيها >>> يعني كولاجين وايد = شباب و نضاره

.

.

 #شلون_نزيدالكولاجين؟

.

.

1⃣ كريمات الكولاجين؟

ما تنفع لان جزيئات الكولاجين كبيره و ما تخترق الجلد ... لكنها تنفع كترطيب خفيف للجلد و تملاء الحفر الصغيره و تعطي انطباع بالامتلاء لكنه مؤقت >>> و الترطيب هذا ممكن تحصلون عليه  باستعمال فازلين او اي مرطب عادي ترتاحون عليه و ليش تقطون فلوسكم على المستحضرات هذي اللي مو رخيصه بعد!

 .

.

2⃣ حبوب الكولاجين؟ بودره الكولاجين؟ شراب الكولاجين؟!! 

الكولاجين عباره عن بروتين و لما ناكله يدش الجهاز الهضمي  و يتكسر و يتحول الى احماض امينيه و يمتصها الجسم ... يعني مثل اي مصدر بروتين مثل اللحم او الجبن او البيض او الفول الخ >>> الكولاجين هذا ما يمتصه الجسم ككولاجين و بالتالي ما له اثر مباشر في زياده الكولاجين الموجود بالجلد او مكان اخر ... هذا بالاضافه الى الاثار الجانبيه المحتمله لها >>> الافضل تاكلون بيضه او اي مصدر طبيعي للبروتين بدال ما تقطون فلوسكم على شغلات يمكن يكون لها اثر سلبي على سلامتكم!

#الطرق_المعتمده_لزياده_الكولاجين
.

.

1⃣ الحمايه من الشمس و عدم التان او التسمير >>>> لان كل هذا يدمر الكولاجين الموجود في الجلد 

.

.

2⃣ عدم التدخين >>> يسرع من شيخوخه الجلد و ظهور التجاعيد 🚬🚬🚬

.

.

3⃣ النوم الكافي

.

.

4⃣ تجنب الاكلات اللي مؤشر السكر فيها عالي مثل السكاكر و المشروبات الغازيه الخ

.

.

5⃣ الاكل الصحي و خصوصا مضادات الاكسده 

.

.

6⃣ استعمال المستحضرات اللي تحتوي على الرتين أي او احماض الفواكه

.

.

7⃣ تحفيز صنع الكولاجين بواسطه الفيلرز او مواد التعبئه مثل حمض الهيالورونيك

.

.

8⃣ الليزر مثل ليزر ثاني اكسيد الكربون و الفراكسل

.

.

#الزبده 

شراب و حبوب و بودره الكولاجين ... كلام فاضي ... لا سحر ولا بطيخ ... لا يقصون عليكم!!! 

.

.

@dr_zada

@dr_zada

@dr_zada