شلون نمنع الندب

اي شق او جرح  في الجلد ممكن يؤدي الى ندبه سواء من جراحه الى طيحه الخ ... السؤال هو اذا صارت الشغلات هذي شلون نقدر نمنع حدوث الندب او نقللها؟

.

بالنسبه للجراحه طبعا في شغلات تعتمد على الطبيب مثل مهاره الطبيب و اختيار الخيوط و الادوات المناسبه ... لكن في كل الاحوال النصائح هذي تنفع الكل

.

العنايه الصحيحه بالجرح بتنظيفها و ترطيبها و تضميدها عشان تلتئم بسرعه و لا تلتهب

.

الاكل الصحي مع الاهتمام الخاص بالبروتينات لان الجسم يحتاج البروتينات عشان يبني جلد جديد

.

الاكثار من شرب الماي

.

الابتعاد عن التدخين ... مهم جدا جدا لالتئام الجرح و الوقايه من الندب لدرجه ان الكثير من جراحين التجميل ما يسوون عمليه تجميليه اذا المريض ما اقلع تماما عن التدخين على الاقل اسبوعين قبل الجراحه

.

الراحه و عدم تحريك الجرح و اللعب به او الضغط عليه او شده او ثنيه قدر المستطاع عشان الخلايا تاخذ راحتها في البناء

.

تنظيم السكر بشكل دقيق اذا كنتو تعانون من مرض السكر

.

عدم تعرض الجرح لاشعه الشمس و استعمال الواقي اذا كان في الوجه عشان المنطقه لا تتصبغ و اللون لا يصير اغمق من لون الجلد

.

استعمال ضمادات السيليكون حسب توصيه الطبيب

.

اذا كانت الخيوط الجراحيه ما تطيح من نفسها التزمو بتاريخ ازالتها حسب توصيه الطبيب لان تركها مده طويله راح يخلف اثر

.

استعمال المراهم اللي تقلل الندب  مثل الدرماتكس او الكنتراتوبكس

.

استعمال الليزر الوعائي بعد الجراحه

.

استعمال ابر الكورتيزون في الجرح حسب تشخيص الطبيب

.

اما بالنسبه للندب اللي قد تشكلت او القديمه فان علاجها يختلف و ان شاء الله راح اتطرق له في بوست اخر ... و سلامتكم

.

منو عنده ندب او طايح او مجروح او يبي يسوي عمليه؟ 

@dr_zada

@dr_zada

@dr_zada