ما هو افضل جهاز ليزر لازالة الشعر ؟!

اختيار الليزر المناسب اول خطوه نحو افضل النتائج في ازاله الشعر >>> و السوق متروس اجهزه ليزر بانواع مختلفه و ماركات متعدده >>> و افضل ليزر يختلف من شخص لاخر >>> فايهو افضل ليزر لكم ؟!!! 

.

.

#افضل_جهاز_ليزر لكم يعتمد على شغلتين 1⃣ شعركم 2⃣ بشرتكم

.

.

#الشعر >>> يهمنا لون و سمك الشعر 

.

.

1⃣ الشعر الغامق مثل الاسود و البني الغامق يجيب افضل النتائج >>> الشعر الابيض و الاحمر الفاتح و الرمادي و الاشقر الفاتح مو ذاك الزود  

2⃣  الشعر السميك نتائجه زينه >>> الشعر الوبري مو ذاك الزود  

#البشره >>> يعتمد على لون البشره 

1⃣ البشره البيضاء الاوربيه >>> افضل اجهزه الليزر هي الروبي (مثل EpiTouch او Epilaser) و الالكساندرايت (مثل GentleLase Plus) و الضوء المكثف او IPL ( مثل Starlux) 

2⃣ البشره البيضاء المائله الى الحنطاويه >>> افضل اجهزه الليزر هي الضوء المكثف او IPL (مثل Starlux) و الالكساندرايت (مثل GentleLase Plus)

3⃣ البشره الحنطاويه >>> افضل اجهزه الليزر هي الضوء المكثف او IPL (مثل Starlux) و الدايود (مثل Light Sheer) و الإن دي ياك (مثل GentleYAG)

4⃣ البشره السمره >>> افضل اجهزه الليزر هي الدايود (مثل Light Sheer) و الإن دي ياك (مثل GentleYAG)

#افضل_النتائج تكون في البشره الفاتحه و الشعر الغامق السميك

#مهم_جدا استعمال الليزر المناسب >>> يعني اذا مثلا استعملنا ليزر الروبي حق وحده سمره ممكن يسبب لها بقع بيضاء مثل البهاق  

#مهما كان نوع الليزر راح تحتاجون الى جلسات متعدده تقريبا ٨-١٠ جلسات كل ٤-٦ اسابيع للحصول على افضل النتائج

 

#لكن مع الليزر المناسب لنوع بشرتكم راح تحصلون على افضل النتائج في اقل عدد جلسات ممكنه و الاهم من هذا انكم راح تتفادون مضاعفات الليزر

#راح نتكلم عن المضاعفات و شلون نتجنبها و العنايه قبل و بعد الليزر ان شاء الله 

#خلكم وياناو لا تنسون اعزائي تمنشنون اللي يفكرون يسوون ليزر او حاليا يسوون

#ملاحظه_مهمه   المهم هو نوع الليزر مثل الدايود او الإن دي ياك >>> اسامي الاجهزه كتبتها كمثال  

و سلامتكم

@dr_zada

@dr_zada

@dr_zada