ليش نحط بلسم الشعر؟

ليش؟
لان البلسم يقلل من تلف الشعر، يعطيه لمعان و بريق، يقلل الكهرباء الساكنه، يحميه من الجفاف، يزيد من قوه الشعر و يعطي بعض الحمايه من الاشعه فوق البنفسجيه المضره ... يعني الشامبو ينظف الاتربه و الزيوت من على الشعر و الباقي على البلسم

.

.

#شلون نستعمل البلسم؟

بعد غسل الشعر بالشامبو حطو كميه قليله من البلسم على اطراف الشعر ... مو على الجذور، يعني عكس الشامبو اللي نحطه على جذور الشعر ... و نترك البلسم من ٥ الى ١٠ دقايق و بعدين نشطفه بالماي الدافي عدل

.

.

#شنو انواع البلسم

حق الشعر الخشن و المتجعد و ايضا الشعر الجاف نختار بلسم فائق الترطيب ... للشعر الناعم و الدهني نستعمل بلسم خفيف و ما نحطه فتره طويله ... و حق الشعر المصبوغ انصح ببلسم قوي مصنوع حق الشعر المصبوغ ... و حق الشعر العادي بلسم خفيف ... و طبعا على كل بلسم مكتوب يصلح لاي نوع من الشعر

.

.

#طيب الافضل نستعمل شامبو و بلسم معا يعني ٢ في ١ ولا كل واحد بروحه؟

الافضل طبعا استخدام كل واحد بروح 

.

.

#و بالنسبه للماركات 

احب اقول لكم ان سعر البلسم والشامبو غير مهم، يعني البلسم و الشامبوهات العاديه المتوفره في الجمعيات و الاسواق المركزيه مثل دوڤ و غيره كلها تقريبا نفس الشى و تؤدي الغرض و المهم تكونون مرتاحين عليه و تتبعون التعليمات اللي كتبتها ... اما بالنسبه للشامبوهات الطبيه طبعا توصف حسب الحاله

.

.

و سلامتكم

@dr_zada

@dr_zada

@dr_zada