كل شي عن الدفرين

بعد بوست الامس عن فيتامين A

وصلتني اسئله و استفسارات عن الدفرين

احاول اجمعها في بوست واحد

.

.

#الدفرين_ينفع_حق_شنو؟

علاج حب الشباب و الوقايه منها

علاج الرئوس السوداء

تقليل الدهون 

تجديد البشره و تحفيز الكولاجين

التجاعيد الخفيفه

التصبغات من حب الشباب

.

.

#طريقة_الاستعمال

غسلوا الوجه بصابون لطيف مثل ستافيل او دوڤ

و بعد ما نشف عدل 

حطوا طبقه رقيقه من الدفرين يعني مقدار حبة فاصوليا او نصفه 

على الوجه كله

باستثناء العين و الفم و حوالينها

حطوه بالليل و بالنهار حطوا واقي ما يسد المسام

في البدايه لا تحطون الدفرين كل يوم

حطوه مره او مرتين بالاسبوع و بعدين يوم و ترك 

و بعد فتره اذا كل شي اوكي تستخدمونه كل يوم

اذا بشرتكم حساسه بعد ساعه ممكن تحطون مرطب مثل كريم البيپانتين  

او كريم الستافيل او ممكن تغسلون وجهكم بعد ساعه و خلاص

.

.

#لازم_تستعملونه_كل_يوم؟

لا مو شرط

يعني حسب التحمل

في ناس تحطه كل يوم عادي

ناس يوم و ترك او مرتين بالاسبوع 

و ناس مره بالاسبوع

.

.

#المضاعفات

ممكن يهيج و يحمر و يقشر و يجفف

خصوصا اذا ما التزمتوا بالتعليمات

.

.

#الحل؟

اذا الجفاف و التقشير خفيف 

حطوا مرطب مثل ستافيل او بيپانتين او يوسرين بالنهار

و اذا شديد و قفوا الدفرين و خلكم على المرطب لحد ما تهدى الامور

و اذا بتستعملون المرطب مع الحمايه

اول شي حطوا مرطب و بعدين حمايه

.

.

#انواع_الدفرين

الجل >>> حق اللي بشرتهم دهنيه و متوفر في الصيدليات و صيدليات الصحه 

الكريم >>> حق اللي بشرتهم جافه و حساسه و متوفر في الصيدليات 

.

.

#ايهو_اقوى

الجل

لكن الجل ينشف و يهيج اكثر

.

.

#تركيزات_الدفرين

عندنا 0.1% متوفر في الخليج

و 0.3% و هو اقوى لكن مو متوفر في الخليج

و موجود في امريكا و دول ثانيه

.

.

#الحامل

ممنوع الدفرين حق الحامل

.

.

#المرضع

الام المرضع ممكن تستخدم الدفرين

لكن انتبهوا ان جلد الرضيع لا يلمس المناطق المدهونه بالدفرين

.

.

#الدفرين_بعد_الدرمارولر

ما في مانع من استخدامه

و قد يكون مفيد للبعض لان مفعول الدوا يكون اقوى 

و مضر للاخرين لانه يسبب تحسس و تهيج و احمرار شديد

يعني يعتمد على بشرتكم و تحمله

.

.

و سلامتكم

.

.

@dr_zada

@dr_zada

@dr_zada