لا تنسون كريم فيتامين أ

#الجيل_الاول_من_مشتقات_فيتامين_A

.

.

تكلمنا بالامس عن كريمات مشتقات الفيتامين A

او الرتينويد مثل الرتين أي او الاكرتين  

و قلنا انه الكريم الوحيد المعتمد حق التجاعيد

و ايضا يعطي البشره نضاره و اشراقه

رخيص و بصيدليات الصحه مجاني

و يستاهل خمس نجوم ⭐️⭐️⭐️⭐️⭐️

لكن عيبه انه شديد و مو كل واحد يتحمله

الحل انكم تحطون كميه قليله جدا و ما تستعملونه كل يوم 

و ممكن تغسلونه بعد ساعه

او بعد ساعه حطوا مرطب مثل كريم ستافيل

او تستعملون المستحضرات التاليه

.

.

#الجيل_الثاني_من_مشتقات_فيتامين_A

.

.

هو الدفرين

اللي عندهم حب شباب يعرفون الدوا هذا عدل

لكنه علاوة على علاج الحبوب و الرئوس السودا

فهو يقلل الدهون و يجدد البشره و يحفز الكولاجين

و يمنع التجاعيد الخفيفه

 اخف و الطف على البشره من الجيل الاول

و ياخذ ٤ نجوم ⭐️⭐️⭐️⭐️

حطوا كميه قليله يعني بمقدار حبه الفاصوليا

 او نصفه يكفي للوجه كله

في منه نوعين 

الجل >>> حق اللي بشرتهم دهنيه

الكريم >>> حق اللي بشرتهم جافه

.

.

#الرتينول

اللي ما يقدر يستخدم الجيل الاول او الثاني 

يستخدم الكريمات اللي تحتوي على الرتينول

حطيت لكم امثله من ماركات جيده مثل

لوريال، اولاي، نيوتروجينا، روك و ڤيشي و انتوا اختاروا اللي يناسبكم 

و مو شرط اغلى واحد يكون افضل واحد

عندكم كريمات التجاعيد اللي في الجمعيات من لوريال و اولاي زينين

ميزة هذي الكريمات انها ما تهيج و تحمر البشره مثل الجيل الاول او الثاني

لكن مفعولها اقل طبعا

و نعطيها ٣ نجوم ⭐️⭐️⭐️

.

.

لا تنسون الكريمات هذي من روتينكم

مو كلهم! 

بس واحد!

.

.

و مو شرط يكون الروتين اليومي

خصوصا حق الجيل الاول او الثاني

ممكن مرتين بالاسبوع

او حتى مره بالاسبوع

.

.

و سلامتكم

.

.

@dr_zada

@dr_zada

@dr_zada