اهم شي بالنسبه لشامبوهات القشره
انكم تفركونه على فروه الراس
و تخلونه لمدة ٥ دقايق
و بعدين تشطفونه بالماي 💦💦💦
.
.
في البدايه استخدموا الشامبو يوميا
و بعدين يوم و ترك
و بعدين مرتين في الاسبوع 👌
و بعدها مره بالاسبوع و مره كل اسبوعين
حسب الشامبو و حسب الحاجه
.
.
النيروزال و الڤاڤو استخدموه مرتين بالاسبوع من اول شي
.
.
الشامبوهات هذي تنفع حق القشره و الحكه 👍
و بعضها ينفع حق الصدفيه 👌
.
.
هيد اند شولدرز الابيض
يحتوي على مادة الزنك پريثيون
اللي يقضي على الفطريات المسئوله عن القشره
ينفع حق القشره الخفيفه و الحكه الخفيفه
ميزته انه لطيف على فروه الراس و ريحته مو قويه 👍
عيبه انه ما ينفع حق القشره الثقيله 👎
.
.
سلسان بلو
و هيد اند شولدرز الازرق
يحتوون على سلينيوم سولفايد
ايضا يقضي على الفطريات
هذيله اقوى من هيد اند شولدرز الابيض 💪
و ينفعون حق القشره الشديده 👍
لكن عيبهم ان ريحتهم قويه لانهم يحتوون على السولفور 😖
و ايضا ينشفون الشعر 😬
عشان چذي لازم تحطون بلسم مرطب للشعر بعد الشامبو
.
.
نيزورال
و ڤاڤو
يحتوون على الكيتوكونازول
و الماده هذي تعتبر
افضل شي للقضاء على الفطريات 👍👍👍
استخدموه مرتين اسبوعيا
.
تي/جل من نيوتروجينا
و شامبو التار الموجود في صيدليات الصحه
يحتوون على مادة التار
و التار يبطئ نمو الخلايا اللي تتكاثر بسرعه و تتقشر على فروة الراس
و ينفع للقشره و الصدفيه و الحكه
لكن ما يقضي على الفطريات
عيبه انه ينشف وااايد 😬
و لازم تحطون بلسم مرطب بعد الشامبو
.
ايونيل-تي
و تي/جل توتال من نيوتروجينا
يحتوون على حمض الساليسيليك
ينعم فروه الراس و يطيح القشره في الشاور
بدال ما تطيح بعدين 😉
فعال للقشره المستعصيه 💪💪💪 و الصدفيه
لكن ينشف 😬
و يبي له بلسم مرطب
.
زيت شجرة الشاي 🌿🍃🌿
يعتبر مضاد خفيف للفطريات
و ينفع حق اللي ما يتحملون الشامبوهات المذكوره فوق
او يدورون بديل طبيعي اكثر
و هو موجود في منتجات عديده مثل abc
.
الزبده
اذا القشره خفيفه استعملوا شامبو خفيف
مثل هيد اند شولدرز الابيض
و اذا ثقيله اختاروا واحد من الانواع الاقوى
.
اذا ما استجاب لشامبو معين
استعملوا شامبو ثاني يحتوي على ماده ثانيه
يعني مثلا اذا ما فادكم هد اند شولدرز الازرق
ما راح يفيدكم سلسان بلو
لانهم نفس الشي
و عندكم نيزورال و ڤاڤو نفس الشي
و ايضا ايونيل-تي و تي/جل توتال نفس الشي
.
و اذا القشره خفت اول شي
و بعدين ردت
غيروا الشامبو
.
و اذا القشره مستعصيه
استعملوا نوعين مختلفين بالتناوب
مثلا مره حطوا نيزورال
و مره ايونيل-تي
.
و منشنو من يهمه الامر
@dr_zada
@dr_zada
@dr_zada
No comments:
Post a Comment