افضل الزيوت للمساج

المساج دلال و علاج

.

.

و افضل الزيوت للمساج

.

.

#زيت_اللوز_الحلو

من الزيوت المفضله عند المدلكين و خبراء المساج

ميزته انه دهني شويه و يسهل انزلاق اليد على الجلد

بس يمتصه الجلد بسرعه

و ما تحسون ان البشره صارت دهنيه بعد المساج

و ايضا زيت اللوز يحتوي على كميه كبيره من فيتامين E 

بالاضافه الى فيتامينات اخرى و مضادات اكسده 

و هو يرطب و يغذي البشره

.

.

#زيت_المشمش

شبيه في خواصه بزيت اللوز 

لكنه اغلى شوي

و يعتبر بديل ممتاز حق اللي عندهم حساسيه من المكسرات

و ما يقدرون يستخدمون زيت اللوز

.

.

#زيت_الجوجوبا

مفيد خصوصا حق اللي تطلع لهم حبوب على الظهر

لان زيت الجوجوبا له خواص مضاده للبكتريا

و ممكن تخزنونه لفتره طويله و ما يخترب

و يعتبر مثالي حق اللي ما يستعملون الزيوت وايد

#عيبه ان زيت الجوجوبا سريع الامتصاص

و بالتالي لازم تكررون وضعه على الجلد في جلسه المساج

او انكم تخلطونه مع زيوت ثانيه مثل زيت اللوز او الزيتون او جوز الهند

.

.

#زيت_جوز_الهند_المجزأ

مو الكامل

يسمونه مجزأ لانه يحتوي على جزء من زيت جوز الهند

و يكون سائل و مو دهني وايد

و ريحته اقل او ما فيه ريحه

مثل زيت الجوجوبا ممكن تخزينه لفتره طويله و ما يخترب

و ميزته انه ما يبقع الشراشف

.

.

#زيت_دوار_الشمس

خفيف و مو دهني وايد

و يحتوي على العديد من الاحماض الدهنيه الضروريه 

و المفيده للجلد

.

.

#زيت_الزيتون

دهني و ثقيل و غني

يعتبر مرطب ممتاز

و هو زين للمساج اذا تحبون ملمسه الدهني و ريحته

و ممكن تخلطون شويه منه مع الزيوت الثانيه

.

.

#زيت_الاطفال

اذا عجزانين عن الزيوت الاخرى

عندكم زيت سيباميد و جونسون للاطفال

.

.

و سلامتكم

.

.

@dr_zada

@dr_zada

@dr_zada